حد جرب احساس انة يطلع عينة عشان يعمل حاجة معينة ولما الحمد للة يوصل انة يقدر يعملها يكتشف ان فى ناس تانية الحاجة دى بالنسبة لهم ولا حاجة
فى اللحظة دى بيسيطر عليك مجموعة من الاحاسيس الغريبة
انك غلبان اوى
انك صغير خالص
بتصعب عليك نفسك جدا
مثلا
لما تدخل سوق وتلاقى بكل بساطة واحد بيشترى ب 12000(اتناشر الف )ريال سعودى شكولاتة..........ايوة شكولاتة
او
واحد تانى بيشترى قميص ب 3000(ثلاثة الاف).......؟؟؟؟؟
او
واحد فى سوق اشترى ب ربع مليون ريال سعودى ذهب كهدية زواج
باللة
مش تصعب عليك نفسك
لما تكون اصلا اكبر شكولاتية ممكن تفكر فيها لو مش عامل دايت هى جالكسى او بونتى (واحدة بس )ولما تفترى بأة وتقطع نفسك ممكن تجيب علبة كاملة من كيندر او فلوت
ولما يبقى القميص ب 100 جنية (مش ريال)بتفكر مرتين قبل ما تاخد القرار الذى هو فى العادة انك تجيب قميصين الواحد ب60
وطبعا انا متخيل الفرحة الغامرة اللى انت وزوجتك وانتوا رايحين عند بتاع الدهب عشان تزودوا الدهب بحد اقصى 10 جرام
او حجم احساسك ب الانجاز الذى حققتة لو اشتريت هدية ذهبية لمراتك بحد اقصى 3000 جنية (مش ريال)احتمال فى الوقت دة ينتابك احساس مشابة الاحساس صلاح الدين عندما قام بتحرير القدس
طبعا وبدون شك الكلام دة والاحاسيس و التصرفات كلها مردود عليها
والحمد للة كلنا بنعرف نفكر كويس ونعرف نتعامل مع مثل هذة الاحاسيس
طبعا كل اللى فات مش صح
لا التصرفات ولا الاحاسيس
بس انا كنت
بفضفض
احمد عبد الباقى حواش
ليست هناك تعليقات:
إرسال تعليق